錯誤的觀念

好多人以為，係"我"管理"我"的身體，又或者是，"我"就係身體既統治者，我想佢點就點.........

呢個觀念十分錯誤，我地既身體，每個器官，每個細胞都有自己的運作，出左事，佢地仲會自己作出調整，互相幫忙，自我修復。 所以，我地其實係身體既 assistant，要輔助佢，配合佢，先可以有健康既身體。
...
舉個例，當一個人貧血，身體製血既系統就會作出一個對應措施和程序，去供應比各器官去運作，咁多器官要，又唔夠，咁點算？ 咪唯有趕快 d，係咁加快去造啦。 試諗下，一間工廠，又無請額外既"工人"幫，又要快，咁出"貨"又點會好，梗係"次貨"啦，全身既"血"都係次貨，甚至"壞貨"，各器官要用呢 d 咁既血黎運作，大家都可以想像身體會係點。 我地可唔可以干預？ 肝同腎緊要 d，就比 d 靚血佢地，其他既少 d 都無所謂..........？ 所以，我地既配合，就係要補充番鐵，同埋要找尋根源點解會搞成咁先係治標治本既方法。

所以，大家唔好再誤信一 d 廣告既字眼，好多賣廣告既人，甚至係賣產品既人，都只會挑出某一個成份既優點去話比大家知，又或者，避免去提出注意點，因為，會影響銷售，而當然，有 d 知識佢地自己都唔知。

大家覺得果樣食物有乜好，就天天食，唔好既地方，就只會自欺欺人咁唔理，但係，身體係唔會，好似你咁諗，只吸收您認為好既果一面，幫晒您手，直接將唔好既排出體外。 又或者，您唔理點樣食法先係正確，只係以您自己"以為"最好既食法去食，身體，就會幫您手作出協調，傷胃既，佢會幫您先加強胃部黏膜，防止個胃萎縮.....

人體，複雜得一般人只會略懂皮毛，總不能個個去讀書，去研究，那麼，我們就簡單點相信現今的食物金字塔，維持身體所需既各種營養，過午少食，做個身體的好幫手罷：